Dövlət İmtahan Mərkəzinin İdarə Heyətinin sədri Məleykə Abbaszadə Mentorluq Proqramı çərçivəsində dördüncü “Yüksəliş” müsabiqəsinin qalibi Seymur Hüseynovla növbəti görüşünü keçirib.

Görüş zamanı Seymur Hüseynovun şəxsi inkişaf planı, həyata keçirdiyi layihələr və gələcək fəaliyyət istiqamətləri müzakirə olunub. Məleykə Abbaszadə qeyd edib ki, qarşıdakı mərhələdə onun müxtəlif layihələrə cəlb olunması, əməkdaşlıq imkanlarının genişləndirilməsi və təşəbbüslərinin dəstəklənməsi üçün əlavə istiqamətlər nəzərdən keçiriləcək.
"Yüksəliş" müsabiqəsi Azərbaycan Respublikasının Prezidenti cənab İlham Əliyevin 26 iyul 2019-cu il tarixli Sərəncamı ilə təsis edilib. Müsabiqənin qalibləri mentorlar tərəfindən birillik fərdi inkişaf planı ilə təmin olunur və 20 min manatlıq mükafat qazanırlar.

Sayca beşinci “Yüksəliş” müsabiqəsinin keçirilməsi ilə bağlı Azərbaycan Respublikasının Prezidenti cənab İlham Əliyev tərəfindən 18 dekabr 2024-cü il tarixində müvafiq Sərəncam imzalanıb.